გაგიჟებისკენ სავალი გზა გაკვალულია . ადამიანები , რომლებიც არ ლაპარაკობენ გიჟდებიან .
ტკივილები მოდიან ხოლმე ღამით და ძიძგნიან სულს , როგორც ლეშს დაწაფებული სვავი .
დარდები მარგალიტებივით აეცმებიან ძაფზე , ერთმანეთის მიყოლებით , ყველაზე მსუბუქიდან ყველაზე მძიმემდე და ქმნიან სამკაულს .ეს უკანასკნელი ყელზე ისე გეწებება ხორცსაც კი იგლეჯ, მაგრამ ვერ იშორებ .
ღამით იკარგები ..
თითქოს უკიდეგანო ცარიელ , ბნელ ორმოში ჩავარდი , რომელსაც ბოლო არ უჩანს .
ხელებს აცეცებ , რაღაც ხელმოსაჭიდი გჭირდება .
რაღაც იმედი , თანადგომა , რომ დასასრული ახლოსაა , რომ გზა მტკივნეულია , ჭრილობებით სავსე , თუმცა გზის ბოლოს სიმშიდე გელის .
მონატრებაც მოდის.
გენატრება ვიღაც , სრულიად უცნობი და სრულიად ნაცნობი .
შორს და ამავავე დროს ახლოს მყოფი . მოუსმენელი ხმა , შეუხებელი თითები . თვალები .
გენატრება ყველა წერტილში ნაქექი , თუმცა ვერ ნაპოვნი საკუთარი თავი .
გენატრება არ გამოწვდილი ხელები , არ დათმობილი ადგილი სხვის ცხოვრებაში .
გენატრება ის , ვისი სახელიც არ იცი , არც სული , არც ხორცი ..
მენატრება ის , ყველაზე უცხო და ამავე დროს ყველაზე ნაცნობი.
ვერა ვარ და ვერა ვარ .
დღეს ჩვენს ადგილზე ვიყავი . ადგილზე , სადაც დღეს მე , გუშინ კი შენ მარტოობას ებრძოდი .
ადგილზე სადაც მრავალჯერ მქონია და მექნება უიარაღო , სულიერი , ტკივილითა და სევდით სავსე ბრძოლა საკუთარ თავთან . უგულშემატკივრო , უადამიანო და უქომაგო ბრძოლა .
ვწერ არაფერი იცვლება , ვშლი არაფერი იცვლება , თუმცა თავს ვიმშვიდებ , რომ წერა უკვე ცვლილებას ნიშნავს .
ბოლომდე შენი მაინც არავის არ ესმის .
ირგვლივ უამრავი ნერვით , სევდით და ტკივილით სავსე სიგარეტის ნამწვავები ყრია თეთრ ხელსაწმენდთან ერთად , რომელზეც მყოფი ცრემლები დილით ამომავალმა მზემ მოჰკლა და გააქრო .
ისიც დაფლეთილია , როგორც ჩვენი სულები , რომლებშიც ტკივილი , მეტასტზებივით მტკივნეული , მრავალი და გაუკაფავია .
ტკივილი , რომელიც შეუმსუბუქებელია , სამუდამო და უკურნებადია .
გუშინ აქ ვიღაცას ძალიან უჭირდა .
როგორც მე ..
როგორც შენ …
როგორ ვცდებით ხოლმე ქუჩებში , წუთებში , დროში და უსასრულო სივრცეში ერთმანეთს . როგორ არ ემთხვევა ჩვენი გზები ბედის ძაფზე .
რომ გზად შემომხვდე
რომ გზად შემოგხვდე ..
როგორ ვერ მოვხვდით სწორ დროს , სწორ გარემოში.
კარგად ხარ ?!
