0

გულით დავეკიდე სახრჩობელაზე…

გული თავის ადგილასაა, ანუ თავის ადგილას კი არაა, თავის ადგილასაა, ხომ მიხვდით?!

აი, ასე… აღარც თავი მაქვს და აღარც გული…

…და იმდენად ხელშესახები გახდა ეს ტკივილი (გულის ჩამოხრჩობამ თურმე ასეთი მწვავე ტკივილები იცის), ლამის სისხლიც კი წამომივიდეს, ოთხად მომკეცოს და შემინახოს სადმე, ტკივილთა განყოფილებაში, ან საერთოდ, ჭერში ჩამომკიდოს, როგორც კომბლები. არ ვიცი, საერთოდ რა შედარებაა ან რატომ ვთქვი ასე, მაგრამ ვთქვი და ამას უკვე ვეღარ ვუშველი, სიტყვებს უკან ვეღარ წავიღებ, ვთქვი და მორჩა…

მტკივა-მეთქი ვამბობდი…

იმდენად მტკივა, ვნატრობ ორი ვიყო, რომ საკუთარი თავის ცემა შემეძლოს, დალურჯება. არა, ძალადობას არც მე ვუჭერ მხარს, მაგრამ ზოგჯერ ხელების და ფეხების უმოწყალო ქნევა უფრო მარტივია, ვიდრე დაჯდომა და ფიქრი იმაზე, რაც არის, რაც აღარ არის, რაც იქნება ან არ იქნება, რაც იყო და წავიდა ან მიდის და ვეღარ ეწევი… ვარიანტი ბევრია… თუმცა, კარგია, რომ ორი არ ვარ, ამ ტკივილს კვადრატში ახარისხებულს ნამდვილად ვერ გავუძლებდი.

ნეტა მართლა შემეძლოს ტკივილის შეხება, ხელს მაგრად დავაჭერდი, უფრო რომ მტკენოდა და უფრო ბევრი სისხლი დამეკარგა…

გული თითქოს თავის ადგილასაა და თითქოს არც…

მგონია, გაჭრილი, გადახსნილი, ღია ჭრილობით დავდივარ… რა ინფექცია, ვის ეშინია ინფექციის, ოღონდ შემიხორცდეს… ვიცი, ნაწიბურები დამრჩება, შეხედვისას ყოველთვის გამახსენდება, რომ ოდესღაც ეს ადგილი მტკიოდა, მაგრამ არ მანაღვლებს, ოღონდ ახლა შემიხორცდეს… იმდენად მტკივა… ოღონდ ახლა ღმერთო, გთხოვ, ოღონდ ახლა… სასუნთქ გზებზეც გადადის უკვე ეს ტკივილი და ვიცი, არ გაჩერდება, მთელ სხეულს მოედება…

სხეული არ მანაღვლებს…

სულს მოედება…

ისე, საინტერესოა, რად უნდოდა კომბლები?!

დავიჯერო, ამდენ კომბალს ჭერში შემოსაწყობად თლიდა?!

 

facebook კომენტარები
Აირჩიე შენი რეაქცია!
stats-arrow little-delete trophy-icon block-from-chat weather-refresh-icon popup-left-arrow popup-right-arrow register-icon login-icon three-dots-icon small-pin-icon small-calendar-icon services-manage-icon share-post-icon like-post-icon dropdown-arrow-icon accordion-open-icon comments-post-icon accordion-close-icon play-icon remove-playlist-icon save-playlist-icon share-icon heart-icon magnifying-glass-icon cupcake-icon weather-icon star-icon headphones-icon block-from-chat-icon add-to-conversation-icon speech-balloon-icon add-a-place-icon Chat Messages check-icon plus-icon albums-icon photos-icon day-calendar-icon week-calendar-icon month-calendar-icon checked-calendar-icon multimedia-icon settings-v2-icon close-icon logout-icon settings-icon blog-icon status-icon happy-sticker-icon happy-face-icon computer-icon manage-widgets-icon badge-icon newsfeed-icon camera-icon stats-icon calendar-icon happy-faces-icon thunder-icon menu-icon Groups-Icon User-Icon Read-Icon Unread-Icon Friendships-Requests-Icon Invitations---Send-Invites-Icon Edit-Icon Pin-Icon Project-Icon Account-Icon Addresses-Icon Billing-Details-Icon Checkout-Icon Downloads-Icon Orders-Icon Payment-Methods-Icon Track-Icon Shop-Bag-Icon Sound-Icon 217 bytes - 53.73% saving