შვილის მიზეზით, სოლიდური ვალი. კრიზისში შესული მდგომარეობა და ემიგრანტობის იძულებითი სურვილი.დედის გვერდით დგომა, თავდაპირველად, შვილის მიერ დაკარგული ტელეფონი, მეორე დღეს ახალი ნივთის შეძენა და ისევ მოულოდნელი გაუჩინარება.მიზეზის ფიქრებში წასული დედა, სიტუაციის ამოცნობა და ნებით თვალების დახუჭვის მცდელობა.საათების კოლექციის ერთ დღეში გაცამტვერება, წიგნებით განახევრებული ბიბლიოთეკა ..- სად მიდის ნივთები? – ხმის ტემბრ შეცვლილი მამა.წაკამათებული და-ძმა. გაჩუმებული მეორე ძმა. ახალს ვიყიდით, – ოპტიმისტური სიტყვების მთქმელი დედა.
მთელი ორი კვირა. ჩვეული სიმშვიდე, ძველებური ჰარმონია.კარზე ჯერ სუსტი კაკუნი, შემდეგ ძლიერი ხმა.14 დღიანი ძებნა. მევალე, კატეგორიული ტონი, მუქარა. სირცხვილისგან გაჩუმებული მამა.- ჭაობი უნახავს, ჩაფლულა სრულიად. – მამის აკანკალებული ხმა.- ვიშოვით, გავისტუმრებთ. – გაყინული ღიმილით, დედის დამაიმედებელი პასუხი.ორ საათში დაბრუნებული ვალი.შვილის კვალს ადევნებული მამა. სიგარეტის მკვეთრი კვამლი, ბილწსიტყვაობა, ისევ ბლომად წაგებული თანხა. სიჩუმე. უკან გამობრუნებული მშობელი.
საღამო, შინ მისვლა. შვილის გაუგებარი მზერა. მამისა და შვილის კონფლიქტი. ორი თაობის აზრთა სხვადასხვაობა. იმედგაცრუებული მამა, აგრესიულად განწყობილი შვილი.მომდევნო დღე, ვახშამი. დაძაბული დედა. გვიან დაბრუნებული მამა. ჩუმად მყოფი და- ძმა, სახლში არ მისული ერთი ძმა. ღამე. დედის მიერ ნაპოვნი ბიჭი.- ყველა ნივთს გავყიდი, შენ როგორ გაგწირავ. თბილად ნათქვამი სიტყვები. დედას ჩახუტებული შვილი. უანგარო ცრემლები.გაბრაზებული უმცროსი და. გამქრალი სამკაულები. შეკითხვები დედას, ეჭვმიტანილი ძმა. დედის უეცარი პასუხი- საზღვარგარეთ წავალ, წამოგეშველებით. შეცდა, შეეშალა, ვაპატიოთ.მტვრევის და მსხვრევის ხმა. მამა- შვილი, კამათი. ოჯახში ნათქვამი აქამდე გაუგონარი ფრაზები. დაუნდობლობაში გადაზრდილი კონფლიქტი.შეტყობინება 112 – ში. უმოწყალოდ ნაცემი შუახნის მამაკაცი, მსუბუქად დაშავებული და- ძმა.დედა დაუსრულებელი სიტყვებით: რა მოხდა? სად შევცდი?გაჩუმებული შვილი, ათრთოლებული ხელები. სისასტიკისგან ამღვრეული თვალები.პოლიცია არაფერში ერევა. დედამ სიტუაცია გააკონტროლა.საავადმყოფოში თეთრად გათენებული ღამეები. ოპერაცია. ეტლში მჯდომი მამა. შინ დაბრუნება. კარის ვერ გაღება, შეცვლილი გასაღები, დაკაკუნება, ბინის სხვა პატრონი. მეზობელთან დატოვებული ნივთები. სასოწარკვეთილი მშობლები, გაბრაზებული დედმამიშვილები.ნათესავთან გადაბარგებული ოჯახი. შეთხზული ამბავი, თითქოს ავარია, პარალელურად ვალი. ბედის ბორბალის უკუღმა ტრიალი, ატირებული დედა, ნუგეში ნათესავების მხრიდან.ოჯახისგან თითქმის ძებნილი შვილი. ერთი თვის შემდეგ ნაპოვნი, კიდევ უფრო სხვანაირი, აზარტულ თამაშებში ჩაფლული. ხვეწნა, მუდარა, სხვის სახლში ვერ დაბრუნებული შვილი.ისევ ფული, აფთიაქში შესვლის ნაცვლად, შვილისთვის განაწილებული თანხა.ეტლში მყოფი მოვლილი ქმარი. ცოლი შეუძლებელი შესაძლებლობებით. დათრგუნული, ავტორიტეტ შელახული და- ძმა. მამის მოვლა, ძმასთან დამდურება. ბინის შესაძენად ფულის შეგროვება.ფსიქიატრი, ნევროლოგი, ფსიქოლოგი, გაჯიუტებული შვილი, დედის ძალდატანება, სიტუაციის შეუცვლელობა. ეგებ ვინმე შეუყვარდესო. სიყვარულობანას, ფულობანას თამაშში გაცვლა.. ბოლო იმედის ამოწურვა.ვეღარაფერი შეძლო..ქალი შეცვალი ქმედებებით, ნაბიჯებზე შემჩნეული უიმედობა.. უცნაურ ფერ მიღებული ვარდისფერ სახე. ერთბაშად, სიბერის ტალღის სიძლიერე..საღამო. მდინარის ნაპირი, ქვაზე ჩამომჯდარი დედა. ძაღლების გაუთავებელი ყეფა. ქალი ფოტოებით ხელში, წერილით, პატიებით. ოჯახთან ბოდიშის მოხდა.მდგომარეობა გამოუვალი. ერთად მდგარი, ხელჩაკიდებული სამივე შვილი, ტირილი, ცრემლები.. ქმარი ტკივილისგან განახევრებული.განათლებული ოჯახიო, ინტელიგენტებიო. ეს ბიჭი ვის დაემგვანაო. დედამისი ტოტალიზატორებს შესწირაო. ზოგმა თქვა, ცოდვებს გზა გაეხსნა, ბაბუა მექრთამე ყავდა, სხვებს უსიცხვილოდ ფულს ართმევდაო. ზოგი ამბობდა ვიღაც უყვარდა, მოულოდნელად სხვაზე გათხოვდა, ეს კიდე, ხელიდან წავიდაო. . სათქმელი მრავლად იყო სხვადასხვა და შეუსაბამოც.ტყუილ- მართალის ნაზავს, უტყუარი ჭეშმარიტებაც დაერთო- დედა, ოჯახს შეეწირაო.ტრაგედიაში, ბრალი არავის დასდებია.მდინარე ხმაურით მიედინებოდა, ძაღლები ისევ ყეფდნენ.
ნ.კუკულავა
