ბედისწერის გამოძახილი [?]

0

ავტორის შენიშვნა: ეს ლექსი ორი თვის წინ მომასმენინა მეგობარმა და [თითქოს] მაშინვე ჩემმა შინაგანმა ხმამ ადრინდელი, თაროზე შემოდებული [ძველი] იდეა გადმოიღო და იქამდე არ მომასვენა სანამ ეს #ამბავი და #ისტორია არ მოვყევი.

მანქანის ნაცნობი ღმუილის გაგონებაზე, კაცმა თოხი შეაჩერა, მარჯვენა ხელით დაეყრდნო მას, მარცხენათი კი ქუდი შეისწორა და მკლავით ოფლი მოიწმინდა. თოხი სხვა სამუშაო იარაღებთან მიაგდო, ცივი წყლით სახე და ხელები დაიბანა, შეიმშრალა და ხმას მიჰყვა. ჩიხს როგორც კი გასცდა სახე გაუნათდა. ნაცნობ მანქანასთან ერთად ნაცნობი ქალიც შეამჩნია მასში. ნელი თანაბარი ნაბიჯებით დაიწყო კაცმა მანქანისკენ სვლა, რა დროსაც ქალი გადმოვიდა მანქანიდან, როცა მანქანის კარი მიხურა რამდენიმე წამით შეყოვნდა იქვე , თუმცა შემდგომ გამოხედა რა კაცს სწრაფი ნაბიჯებით დაიწყო მისკენ სვლა. კაცი შეყოვნდა, ბოლოს შეჩერდა.

– აქ რას აკეთებ? – კითხა გახარებულმა. ქალი მოსახვევად გაიწია, თუმცა კაცმა უკან გადადგა ჯერ ერთი, შემდგომ მეორე ნაბიჯი, ჯერ საკუთარ გაუხეშებულ ხელებს დახედა, მერე ქალს მიაცქერდა, თვალებში.

– გაგეფრთხილებინე მაინც, მთელი დღეა ვმუშაობ, ოხშივარი ამდის. – უთხრა კაცმა მისი ქმედების გასამართლებლად. ქალმა გაუღიმა, მისი ხელები საკუთარში მოიქცია, შემდგომ გაუშვა და მჭიდრო მოეხვია კაცს.

– რა თქმა უნდა, მიხარია შენი ნახვა, მაგრამ არ მგონია, ამდენი ხნის შემდგომ უბრალოდ ჩემს მოსანახულებლად გამოგევლო – უთხრა კაცმა და მათ შორის მანძილი ერთ ნაბიჯამდე გაზარდა.

– ანუ, ასე უბრალოდ ძველი მეგობრის მონახულება არ შეიძლება, არა?! – უპასუხა ქალმა ფიქტიური ბრაზით.

– არ მეტყვი აქ რამ მოგიყვანა? – უთხრა კაცმა ოდნავ ბრაზის ტონით, ქალმა საკუთარ ხელებს დახედა, თითებს დაუწყო თამაში, მთელი გზა ამის სათქმელად გამოიარა ახლა კი სიტყვებს ვერ უყრიდა თავსს თუ როგორ ეთქვა. ისევ კაცი გამოესაუბრა.

– სკოლა დიდი ხნის წინ დავასრულეთ, უკვე აღარა ვართ ბავშები, უბრალოდ პირდაპირ რატომ არ მეტყვი სათქმელს?! – თქვა კაცმა და ამოიხვნეშა

– ვთხოვდები… – უთხრა ქალმა, არსაიდან თავდაჯერებულობა ეწვია და კაცს შეხედა თვალებში -… და არ მინდოდა ეს სხვისგან გაგეგო.

– გასაგებია

– მე უბრალოდ …

– ვიცი, მესმის

– მე …

– ეგეც ვიცი და მესმის – კაცმა ოდნავი შეყოვნების შემდგომ გააგრძელა

– გილოცავ, მართლა და მთელი გულით გისურვებ ბედნიერებას – გულწრფელად გაუღიმა ქალს და თავისი გაუხეშებული მარჯვენა ხელი შეახო მის [ქალის] მარჯვენა ბეჭს

– შენ ყველაფერ საუკეთესოს იმსახურებ – მარჯვენა ხელით ის თმის სამაგრი მოიხსნა, რომელსაც გულის ჯიბით ატარებდა განშორების შემდგომ, ყოველ დღე.

– მგონი ეს მე აღარ მეკუთვნის – უთხრა კაცმა და ქალის წლების წინ ნაჩუქარი თმის სამაგრი მის ხელებში ჩადო, კიდევ ერთი ნაბიჯით დაშორდა და უკვე შებრუნებას აპირებდა, როცა ქალმა კითხა

– არც კი მკითხავ ვის მივყვები?

– ყველაზე იღბლიან მამაკაცს მთელს დედამიწის ზურგზე – უთხრა კაცმა

– ახლა კი უნდა დაგტოვო, სასწავლო წელი უკვე იწყება და ხომ იცი რამენი რამ დასჭირდებათ გოგონებს, უნდა წავიდე და ვიმუშაო

– შენი ძმა შენით იამაყებდა – უთხრა ქალმა და ცდილობდა ცრემლები შეეკავებინა. – ზურგი აქცია ქალს, როცა შებრუნდა, თუმცა მის ამ ერთ თითქოს უბრალო მოძრაობას, მისი მთელი თავდაჯერებულობა, მამაკაცურობა და ვაჟკაცობა დაჭირდა.

კაცმა თოხი მოიმარჯვა ისევ, მანქანის ნაცნობი ღმუილი მოესმა უკანასკნელად [?] მისი გარდაცვლილი უფროსი ძმის გოგონების სახელებს იმეორებდა და თან ისე აგრძელებდა მუშაობას, სწორედ მათ გამო მოუწია ქალზე უარის თქმა წლების წინ, მაშინ როცა გოგონების მეურვეობა საკუთარ თავზე აიღო.

დასასრული [?]

24.09.2020

facebook კომენტარები
Აირჩიე შენი რეაქცია!
stats-arrow little-delete trophy-icon block-from-chat weather-refresh-icon popup-left-arrow popup-right-arrow register-icon login-icon three-dots-icon small-pin-icon small-calendar-icon services-manage-icon share-post-icon like-post-icon dropdown-arrow-icon accordion-open-icon comments-post-icon accordion-close-icon play-icon remove-playlist-icon save-playlist-icon share-icon heart-icon magnifying-glass-icon cupcake-icon weather-icon star-icon headphones-icon block-from-chat-icon add-to-conversation-icon speech-balloon-icon add-a-place-icon Chat Messages check-icon plus-icon albums-icon photos-icon day-calendar-icon week-calendar-icon month-calendar-icon checked-calendar-icon multimedia-icon settings-v2-icon close-icon logout-icon settings-icon blog-icon status-icon happy-sticker-icon happy-face-icon computer-icon manage-widgets-icon badge-icon newsfeed-icon camera-icon stats-icon calendar-icon happy-faces-icon thunder-icon menu-icon Groups-Icon User-Icon Read-Icon Unread-Icon Friendships-Requests-Icon Invitations---Send-Invites-Icon Edit-Icon Pin-Icon Project-Icon Account-Icon Addresses-Icon Billing-Details-Icon Checkout-Icon Downloads-Icon Orders-Icon Payment-Methods-Icon Track-Icon Shop-Bag-Icon Sound-Icon 217 bytes - 53.73% saving